Atala: Espazioak

Gipuzkoa: 1936-1950. Kronika beltzean (eta zurian)

2010(e)ko Apirilak 16 por DK Liburutegiak en Berriak, Erakusketak

Apirilak 15 – Maiatzak 15. .
LIBURUTEGI NAGUSIA (Alderdi Eder)

Erakusketak, bitarteko grafikoak baliatuz, Gerra Zibilean eta gerraosteko lehenengo urte gogorretan Gipuzkoan bizitako egoera eman nahi du ezagutzera.

Erakusketa honetako argazkiak 1936-1950 aldian izan ziren hartuak eta, horien bidez, gerraren eta gerraostearen beste aurpegi ilun eta ezezagunagoa agertu nahi dugu: Gipuzkoako etorkizuna tamalez baldintzatu zuen historia-gertaera honetako gogoz kontrako milaka protagonistarena.

Adibidez, erakusketan Mirakontxa edo Donostiako Udalaren bonbardaketaren irudiak aurkeztu ditugu, baita hegazkin frankistak Donostiako zeruan hegaz dabiltzala ere, Elkano kaleko Izquierda Republicanaren egoitzaren suntsipena, Falangeren paradak edo gerraren ondorioek txirotutako pertsonen eta pertsona babesgabeen jantokien koadroak.

Erakusketarekin batera, Liburutegi Nagusiak jarritako garaiko egunkari eta dokumentuen aukeraketa bat izango da ikusgai, prentsak une historiko hori nola islatu zuen agerian utziz.

Giza Eskubideen Zinemaldiaren antolakuntzak (Donostiako Udalaren Giza Eskubideen Arloak eta Donostia Kulturak) ekoiztutako erakusketa da. Zuri-beltzezko hogeita hamar bat irudik osatzen dute, gehienean Fototeca Kutxak lagatakoak.

1 iruzkin

Azaleztapen tailerra

2009(e)ko Abenduak 17 por DK Liburutegiak en Azaleztapen tailerra, Espazioak

Asteazken arratsaldero Konstituzio plazako Udal liburutegi zaharrean (sarrera San Jeronimo kaletik) Azaleztapen Tailerreko ikasleek Helena Jiménez de Aberásturi, eskulangintza azaleztatzaile eta lanbide honetan adituak ematen dituen eskoletan parte hartzen dute. Ikastaroa urritik maiatza bitartera luzatzen da, teoria eta praktika uztartuaz, eta bertan azaleztapen teknikak urratsez urrats ematen dira, liburuen jostura desberdinak, oihal edo guaflex-en azaleztapena, azaleztapena “holandesa” erara, paperezko argazkien albumak edo CD albumak egiteko teknika desberdinak, gure paper propioen sorkuntza eta diseinua, larruazalen gaineko inprimatze digitala, liburu bizkarren errotulazioa, etab.

0 iruzkin

VI Komiki Jardunaldiak

2009(e)ko Azaroak 3 por DK Liburutegiak en Bildumak, Erakusketak, Komikia

Juan Gimenez egilearen obrak liburutegietan

Juan Gimenez-en irudia

Fantasiazko eta Beldurrezko Zinemaren XX. Astearen barruan antolatu diren VI. Komiki Jardunaldietan hainbat erakusketa antolatu dira Donostiako kultur etxe eta liburutegietan. Okendo Kultur Etxean, Argentinako Juan Gímenez , azken hamarkadetan fantasiazko eta zientzia-fikziozko komikian egon diren egile garrantzitsuenetakoa omenduko du, ilustratzaile argentinarrari omenezko erakusketa antolatu du. Gímenez da azken hamarkadetako fantasiazko eta zientzia fikzioaren alorreko egile ezagunenetakoa, Cuestión de tiempo, El cuarto poder, Leo Roa, Juego eterno edo La casta de los Metabarones lanen egilea, hain zuzen ere.

Euskadi Fantastikoa sekzioan, Euskal Herriko komikiaren historia errepasatzen duen eta gure egilerik garrantzitsuenen lanak aurkezten dituen sekzioan, ospe handiko bi gonbidatu izango dira, Álex Orbe , Ernest Lluch kultur etxean eta Manu Ortega Alderdi Ederreko Liburutegi Nagusian . Bi autoreen arteko lotura marrazketa arina eta adierazkorra da, kasu askotan, kolore biziz blaituak, baina argilunez beteriko bizitza gogorarazten dizkigutenak.

Azkenik, Printzipe zinematan, Eva Conde ilustratzaile donostiarrari eskainitako erakusketa dago ikusgai.

0 iruzkin