Atala: DVD

Ostegunean, hilak 14 iluntzeko 19:00tan, Loiola Kultur Etxean hilabete honetako solasaldia izango da, “Gizon-emakumeak: irudi berri zaharrak” gaiaren inguruan. Ibon de la Cruz adituak gidatua Rauda Jamis-en Frida Kahlo,  Isadora Duncan: Mi vida, de Wilhelm Reich-en Pasión de juventud: una autobiografía. 1897-1922, Michael Prawdin-en Rasputín y el ocaso de un imperio liburuak irakurtzea gomendatzen da eta jarraian aipatzen diren DVDak ikustea: La verdad sobre perros y gatos, Crueldad intolerable y A los que aman.

Berriro ere gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, literatur solasaldietarako hautatzen diren liburuak eta DVDak maileguan eskatzeko aukera duzuela.

Alderdi Eder liburutegiak Japonekin elkartasunean, herrialde honi buruzko hautaketa egin du hilabete honetan. Alde batetik, literatura alorrean japoniar idazleen izenburuak jasotzen dira eta bestetik hainbat gaietako liburuak, besteak beste, gastronomia, zinea, historia, artea, lorezaintza, mitologia, etab. Gida osatzeko japoniar zuzendarien eta Japoni buruzko filmen DVDak daude.

Liburutegi Sareko bazkideak edo Donostia Kulturako txartelaren jabeak bazarete aipatutako liburuak maileguan 21 egunetan edukitzeko aukera duzue.

Datorren asteartean, martxoaren 15ean iluntzeko 19:30ean, Alde Zaharreko Liburutegi Nagusiko Ekitaldi aretoan (sarrera, San Jeronimo kaletik), “Malko gorriak” eta “Gerra Zibila Euskal Herrian” DVDn aurkezpena. Julia Mongek eta Juan Ramon Garaik aurkeztuko dituzte dokumentalak eta gidatuko ondoren euskaraz izango den solasaldia. Alderdi Eder liburutegian eskura dauden dokumental hauek, Intxorta 1937 Kultur Elkarteak argitaratu ditu eta gerra zibila Aretxabaleta eta Elgetan azaltzen dute hurrenez hurren.

Ostegunean, hilak 17 iluntzeko 19:00tan, Loiola Kultur Etxean hilabete honetako solasaldia izango da, “Lenguaje no verbal: cuando el cuerpo habla” gaiaren inguruan. Ibon de la Cruz adituak gidatua, Flora Davis-en La comunicación no verbal, Allan Pease-ren El lenguaje del cuerpo: cómo leer el pensamiento de los demás a través de sus gestos eta Alice Miller El cuerpo nunca miente liburuak irakurtzea gomendatzen da eta jarraian aipatzen diren DVDak ikustea: Más fuerte que su destino eta El filo de la navaja.

Berriro ere gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, literatur solasaldietarako hautatzen diren liburuak eta DVDak maileguan eskatzeko aukera duzuela.

Datozen egunetan Aiete kultur etxeak bertako Bizilagunen Elkartearen laguntzarekin Literatura eta Zinea programazioari emango dio hasiera. Ostegunean, hilak 13an, Lola Arrietak gidatuko duen literatur solasaldian, Madame Lafayette idazlearen La princesa de Cleves liburua aztertuko da. Ekitaldia edonorentzat irekia izango eta arratsaldeko 19:00tan emango zaio hasiera.

Hurrengo egunean, ostirala, hilak 14an, Fernando Mikelajauregik aurkeztu eta zuzenduko duen solasaldian Manuel Oliveira-ren La carta filma emango da, arratsaldeko 18:45etik aurrera.

Otsailako programazioa, berriz, Madame Bovary-ren inguruan izango da. Hilak 10, ostegunean, arratsaldeko 19:00tan Flaubert-en liburua aztertuko da eta eta hilak 11, ostiralean, Vicente Minelli-ren izen bereko filma ikusiko da.

Azkenik, gogorarazten dizuegu Donostiako Udal Liburutegien Sareko bazkide bazarete  edo Donostia Kulturako txartelaren jabe, literatura eta zine programaziorako hautatzen diren liburu eta filmak maileguan etxera eramateko aukera duzuela.

Ostegunean, hilak 21 iluntzeko 19:00tan, Loiola Kultur Etxean hileroko solasaldia izango da,“Mitologia eta Psikologia: ahaztutako ezagutza” gaiaren inguruan. Ibon de la Cruz adituak gidatua, ahaztutako ezagutzan oinarrituko da. Solasaldirako gomendatutako argitalpenak dira: Mitología: guía ilustrada de los mitos del mundo liburua, Duelistas, Tierra Julio Medemek zuzendua, Ghost dog = El camino del samurai eta Juan Salvador Gaviota DVDak.

Hurrengo hilabeteetarako egitarauan, alde batetik harremanak eta lidergoa (azaroak 18) eta bestetik, istoriak kontatzearen osasungarritasuna (abenduak 16) landuko dituzte.

Azkenik gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, literatur solasaldietarako hautatzen diren liburuak eta DVDak maileguan eskatzeko aukera duzuela.

Gaur inauguratuko da Donostiako 58. Nazioarteko Zinemaldia, 1953tik etengabe ospatzen den jaialdia. Garai hartan donostiar talde batek Zinemaren Nazioarteko Lehen Astea sortu zuen, arrakasta handiarekin eta hurrengo urtean Jaialdirako jauzia ematea erabaki zen. Handik gutxira, 1957an Zinemaldiak A kategoria lortu zuen.

58 urte hauetan Zinemaldiak informazio eta dokumentazio ugari sortu du. Atzo Diego Galanek zuzendu duen Zinemaldiaren historia izeneko dokumentalaren aurre estreinaldia egin zen.

Donostia Kulturako liburutegietan ere Zinemaldiaren inguruko bilduma interesgarriak daude, besteak beste aipagarriak dira: Jose Luis Tuduriren San Sebastián: un festival, una historia (1953-1966) eta Diego Galanek idatzitako Festival Internacional de cine de San Sebastián = 50 urte jardunean : Donostiako Nazioarteko Zinemaldia. Bestalde, Alderdi Eder liburutegian kontsulta daitezkeen Donostiako egunkarietan Zinemaldiaren egunerokotasunaren jarraipena egiteko aukera ematen da.

Azkenik, hilabete honetan Zinemaren inguruan hainbat liburu eta diska zerrenda prestatu dira: alde batetik  literatura beltza eta zinea eta bestetik, musika eta zinea Aipatutako argitalpenak Donostia Kulturako liburutegietan dituzue eskura.

Uztailaren 23an Ernest Lluch Kultur Etxeko areto nagusian Ratatouille filmaren emanaldia egongo da haurrentzako goizeko 12:00.
Bestalde, gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, zine emanaldirako hautatu den filmaren DVDa Ratatuille maileguan eskatzeko aukera duzuela.

Ostegunean, hilak 20, arratsaldeko 19:00tan, Ibon de la Cruz psikologoak gidatzen duen psikologia, zinea eta literatura tertulia izango Loiolako kultur etxean. Marguerite Yourcenar idazlearen Adrianoren oroitzapenak liburua eta Robert Zemeckisen Naúfrago DVDa izango dira tertuliaren ardatza. Ekitaldia gaztelaniaz izango da.

Berriro gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, literatur solasaldietarako hautatzen diren liburuak eta kasu honetan DVDa maileguan eskatzeko aukera duzuela.

Egiako Hirutxulo plazan Musika eta Dantza Eskolako liburutegia duzue, Donostia Kulturako Liburutegi sarean integratu dagoen zerbitzua. Bertan musika eta dantzari buruzko informazio eta kontsulta eskaintzen zaigu, bereziki interesgarria eskolako lanak egiteko. Horretaz gain, musika eta dantzari buruzko beka, lanpostu, ikastaro eta lehiaketen berri ematen da. Baditu internet gunea, fonoteka, hemeroteka, partituren kontsulta, erreprografia eta wifi zerbitzuak.

Liburutegiak 10.000 dokumentu inguru eskaintzen ditu, gehienak Cdak eta  DVDak, musika mota guztietakoak, etxera maileguan eraman daitezkenak.

Musika eta Dantza Eskolako liburutegira joan nahi baduzue, 9, 17 edo 24 bus lineak hartzea gomendatzen dizugu. Etorri bisita egitera!

Informazio gehiagorako http://www.donostiaeskola.org