Gaur eguerdian aurkeztu da Donostiako Alde Zaharreko liburutegi zaharrean “La Bella Huida” Hedoi Etxarte idazlea (Iruña, 1986) eta Alain M. Urrutia (Bilbo, 1981) marrazkilariak ihaz argitaratu zuten “Ihes ederra”ren gaztelaniazko bertsioa
Liburua Alberdania argitaletxeak argitaratu du eta laister izango duzue eskura Donostia Kulturako liburutegietan.
2010(e)ko Urriak 29 por DK Liburutegiak en Berriak, Erakusketak, Komikia
Fantasiazko eta Beldurrezko Zinemaren XXI. Astearen barruan antolatu diren VI. Komiki Jardunaldietan Salvador Larroca (1964) valentziarrari egingo zaio omenaldia, gaur egun munduan diren super-heroien marrazkilari gailenetakoa, Okendo Kultur Etxean egingo den erakusketarekin.
Euskadi Fantastikoa sailak, Euskal Herriko komikiaren historiari errepaso egiten eta gure autore garrantzitsuenen lanak aurkezten diharduenak, seigarren urtea beteko du oraingo honetan. Aurten bi erakusketa antolatu dira, bata Dani Fano-rena (Donostia, 1968) eta bestea Guillermo Gonzalez-ena (Bilbo, 1971), Alderdi Ederreko liburutegian eta Okendo Kultur Etxean hurrenez hurren. Marrazkilari hauen komikiak eskura izango dituzue Donostia Kulturako liburutegietan.
Azkenik, Principe zinemetan, Isabel Mancebo Balda (Iruña, 1971) marrazkilariaren Miragarriak erakusketa egongo da ikusgai.
Erakusketak gaurtik abenduaren 4ª arte egongo dira ikusgai, astelehenetik larunbatera 10:00etatik 14:00etara eta 16:30etatik 20:00etara. Urriak 31 eta azaroak 1ean 10:00etatik 14:00etara.
Gaur egun aukera dugu komikiak ordenagailuan, ipodean edo eskuko telefonoan irakurtzeko. Nahikoa da Ave! Comics web orrian sartzea, eta aukera zabala aurkituko duzue. Sauré argitaletxeak eta Arabako Foru Aldundiak oraintxe abiarazi dute proiektu hau, eta irteera eskaintzan doako deskargak egin ahal dira. Eskuragarri dauden komikien artean, Newton eta Torrijo superordenagailua dugu, Edorta Corpas, Víctor Araque eta Iñigo Sarasolak egina. Paperean ere argitaratu den komiki hau, laister izango duzue eskuragarri udal liburutegien sarean.
2009(e)ko Azaroak 3 por DK Liburutegiak en Bildumak, Erakusketak, Komikia
Juan Gimenez-en irudia
Fantasiazko eta Beldurrezko Zinemaren XX. Astearen barruan antolatu diren VI. Komiki Jardunaldietan hainbat erakusketa antolatu dira Donostiako kultur etxe eta liburutegietan. Okendo Kultur Etxean, Argentinako Juan Gímenez , azken hamarkadetan fantasiazko eta zientzia-fikziozko komikian egon diren egile garrantzitsuenetakoa omenduko du, ilustratzaile argentinarrari omenezko erakusketa antolatu du. Gímenez da azken hamarkadetako fantasiazko eta zientzia fikzioaren alorreko egile ezagunenetakoa, Cuestión de tiempo, El cuarto poder, Leo Roa, Juego eterno edo La casta de los Metabarones lanen egilea, hain zuzen ere.
Euskadi Fantastikoa sekzioan, Euskal Herriko komikiaren historia errepasatzen duen eta gure egilerik garrantzitsuenen lanak aurkezten dituen sekzioan, ospe handiko bi gonbidatu izango dira, Álex Orbe , Ernest Lluch kultur etxean eta Manu Ortega Alderdi Ederreko Liburutegi Nagusian . Bi autoreen arteko lotura marrazketa arina eta adierazkorra da, kasu askotan, kolore biziz blaituak, baina argilunez beteriko bizitza gogorarazten dizkigutenak.
Azkenik, Printzipe zinematan, Eva Conde ilustratzaile donostiarrari eskainitako erakusketa dago ikusgai.
Dani Fanok egindako irudia
Donostiako Udal Liburutegi Nagusiak 10 urte bete ditu Alderdi Ederreko egoitzan, eta, hori ospatzeko bi jarduera antolatu dira komiaren inguruan, Komik 10 gidaren argitalpena eta komikiteka bat sortu da, Dani Fano donostiar ilustratzailearen horma-irudi batez apaindua, gidaren azalean errepikatzen dena.
Komiki bildumari dagokionez, kopuruan handitu eta sailkapena berrantolatu da, jatorriaren arabera berrantolatu ere: komiki europarra, amerikarra eta japoniarra edo manga. Sail horietako bakoitzari kolore bat dagokio. Atala osatzeko, zinera eraman diren komikien DVDen bilduma bat, argitalpenak, komikiari buruzko azterketak eta aldizkako zenbait argitalpen daude.
Liburutegi Zerbitzuaren ibilbidearen lehen urtea da hau. Hemendik aurrera, Liburutegi Zerbitzuan berrikuntza gehiago izango dira, eta urtero gida bat egitea da asmoa, komiki mota guztiak jasoko dituena. Irakurtzen jarraitu
Loading ...