Atala: Bertako Bilduma

Sancho el Sabio, 1950

Amarako Ernest Lluch Kultur Etxean antolatu den “Amarauna: hauzoa eraikitzen 1960-2010″ erakusketak aurpegia, ahotsa eta kontaketa jarri nahi die Amara eta bere bizilagunei denboran zehar, gaurko eguna arte. Argazkiak, planoak, elkarrizketak, objetuak eta soinuak denon artean gauzatutako auzoaren abentura gerturatzeko bideak dira, baina baita abentura hori ahalbidetu duten guztiei omenaldia egiteko modua.

Erakusketaren inaugurazioa, ostiralean izango da arratsaldeko  19:00tan. Erakusketa ikusgai egongo da maiatzak 14a  arte, astelehenetik ostiralera, arratsaldeko 16:00etatik 20:30ra eta larunbatetan, berriz, 17:00etatik 21:00ra.

Lola Horcajok, Juan José Fernández Beobidek eta Carlos Blasco Olaetxeak “Comercios donostiarras” bildumako bigarren alea kaleratu dute. Oraingo honetan ehun urte bete dituzten dendak aipatzen dituzte “Comercios donostiarras” izena duen argitalpenean. Guztira, Donostiako 33 denda beteranoren pasadizo eta gertaera ezagutzeko aukera eskaintzen dute: Ponsol (1838), El Andorrano (1860), Muebles Eceiza (1863), Colmenero (1970), Farmacia Vidaur Navarro (1872), Farmacia Imaz Casadevante (1877), Arrieta (1878), Villa María Luisa (1878), Otaegui (1886), Casa Erviti (1891), Joyería Durant (1892), Lotería Arroyo (1892), Alvarez (1895), Aristizabal (1895),  Restaurante Pollitena (1895), Bar Bartolo (1896), Aranzabal (1898), Cristina (1898), Arenzana (1900), Casa Iriondo (1900), Mercería Francesa (1900), Ajuria (1901), Cortés Sastres (1901), La Casa de Labores (1903), Bar Eceiza (1903), Tello (1903), Ciprian (1907), Rivero (1907), Benegas (1908), Casa Paulista (1910), La Esperanza (1910), Salaverria (1910), Casa del Artista (1910).

Argitalpena laister izango duzue eskura Donostia Kulturako liburutegietan. Horretaz gain hiriko liburudendetan eros daiteke. Bestalde, Comercios Donostiarras-Donostiako dendak izeneko web orriarekin osatzen da, bertan hiriko hainbat denden datuak, historia eta gertaerak jasotzen dira.

Gaur Donostian Santo Tomas feria ospatuko da, negua eta Gabon festen etorrera iragartzen digun jaia. Hiriko auzo gehienetan txistorra eta artisautza salmenta lekuak ikusi ahal izango ditugu, baina bereziki Alde Zaharreko Konstituzio plazan eta inguruetan. Egutegian tradizio handia duen jai honetan kuadrillak eta familiak txistorra jatera ateratzen dira eta baita pintxoak ere inguruko tabernetan.

Donostia Kulturako liburutegiek bertako gaien inguruko liburuak dituzte Donostia Bilduma izeneko sailean. Gastronomia eta pintxoei buruzko liburuak atal nagusi bat osatzen dute eta horien artean Josema Azpeitiaren Kutixiak donostiar erara izenekoa duzue.

Rafael Aguirre Francok Donostiako Udaleko Pleno Aretoan egin zuen atzo iluntzean Euskalerriaren Adiskideen Elkarteko sarrera ikasgaia, “Kanpo eraginak euskaldun izateko moduan. Gure kulturari autoktono zaiona” izenburuarekin,  berriki argitaratu duen liburuaren laburpena. EAEko presidenteak, Jose Maria Urkiak egin zituen sarrera hitzak, eta Jorge Askasibarrek, berriz, harrera hitzak.
Rafael Aguirre Franco (Donostia, 1937), Donostiako udaleko Turismo eta Jaien arloko arduraduna izan da hogeitamahiru urtez. Horretaz gain, literatur idazlan zerrenda luzearen egilea da eta Donostiako gaien inguruan ere idatzi izan du, festak, herri kirolak, etab.  Donostia Kulturako liburutegietan aurkituko dituzue Aguirre Francoren liburuak.

Gaur inauguratuko da Donostiako 58. Nazioarteko Zinemaldia, 1953tik etengabe ospatzen den jaialdia. Garai hartan donostiar talde batek Zinemaren Nazioarteko Lehen Astea sortu zuen, arrakasta handiarekin eta hurrengo urtean Jaialdirako jauzia ematea erabaki zen. Handik gutxira, 1957an Zinemaldiak A kategoria lortu zuen.

58 urte hauetan Zinemaldiak informazio eta dokumentazio ugari sortu du. Atzo Diego Galanek zuzendu duen Zinemaldiaren historia izeneko dokumentalaren aurre estreinaldia egin zen.

Donostia Kulturako liburutegietan ere Zinemaldiaren inguruko bilduma interesgarriak daude, besteak beste aipagarriak dira: Jose Luis Tuduriren San Sebastián: un festival, una historia (1953-1966) eta Diego Galanek idatzitako Festival Internacional de cine de San Sebastián = 50 urte jardunean : Donostiako Nazioarteko Zinemaldia. Bestalde, Alderdi Eder liburutegian kontsulta daitezkeen Donostiako egunkarietan Zinemaldiaren egunerokotasunaren jarraipena egiteko aukera ematen da.

Azkenik, hilabete honetan Zinemaren inguruan hainbat liburu eta diska zerrenda prestatu dira: alde batetik  literatura beltza eta zinea eta bestetik, musika eta zinea Aipatutako argitalpenak Donostia Kulturako liburutegietan dituzue eskura.

Kontxako estropadak 1879 urtean ospatu ziren lehenengo aldiz Donostiako udako jaietako programaren barruan. XX. mende hasierako urte batzuetan eta guda zibila garaian izan ezik, urtero-urtero ospatu izan dira estropadak gaur egunera arte.
Novedades aldizkaritik hartutako irudian 1910. urteko estropada ikustera bildu zen jendetza ikus daiteke.

Urte hartako irabazlea Orioko Virgen del Pilar izeneko trainera izan zen, Manuel Olaizolaren gidaritzapean hamairu arraunlarirekin. Segundu gutxitara, berriz, pasaitarrak heldu ziren San Francisco de Asís traineruarekin eta Manuel Arrillagak zuzendua.

Kontxako estropaden informazio gehiago duzue Rafael Aguirre Francoren Donostiako estropadak (1879-2001) = Regatas de La Conchaliburuan, Donostia Kulturako liburutegietan eskuragarri duzuen argitalpena. Informazio eguneratua, berriz, udalaren web orrianaurkituko duzue.

Duela gutxi argitaratu da Comercios Donostiarras aldizkariaren lehen zenbakia, Pastelerías con Historia izenburuduna. Bertan hiriko hamar gozo denda historikoen informazioa jasotzen da, eta horietatik bi zabalik ditugu Otaegui eta Barrenetxe izenekoak.

Argitalpena Donostia Kulturako liburutegietan eskura duzuena, hiriko liburudendetan eros daiteke. Bestalde, Comercios Donostiarras-Donostiako dendak izeneko web orriarekin osatzen da, bertan hiriko hainbat denden datuak, historia eta gertaerak jasotzen dira.

Kontxako badia zoragarrian milaka lagun elkartzen dira urtero, irailako lehen bi igandeetan, Donostiako estropadak ikustera. 130 urte baino gehiago ditu ikuskizun honek; izan ere, estreinakoz 1879an egin baitzen. Aldameneko irudian ikusi daitekeenez, Novedades aldizkariak ospakizun honen berri eman zuen 1910. urtean.

Donostiako estropadei buruz gehiago jakin nahi izanez gero, Rafael Aguirre Francoren Donostiako estropadak (1879-2001) = Regatas de La Conchagomendatzen dizugu, Donostiako Udal Liburutegietan aurkituko duzun liburua .

1927an Donostiako emakume talde bat, Anbrosia Olaizolaren gidaritzapean, Errealarentzat bandera bat egiteko lanetan hasi zen. Diru bilketa bat egin zuten bertakoen artean eta brodatzaile talde bat osatu zuten, ia urte bete lanean aritu zena. 1928ko abuztuaren 30ean egin zen banderaren aurkezpena, baina tamalez lehenengo bandera hura  galdu egin zen eta argazki hau besterik ez dugu, Oier FanorenEl libro del centenario: 1909-2009liburuan argitaratua eta Donostia Kulturako liburutegietan aurkituko duzuena.

1913an Errealak Atotxako futbol zelaia inauguratu zuen ( Novedades aldizkaria, 225. zkia, 1913ko urriaren 12a). Ordura arte Ondarretan, Antigua auzoan jokatzen ziren partiduak.
Atotxako lehenengo partidua Bilboko Athletic taldearekin izan zen, eta 3 goletara berdinduta geratu ziren. Garai hartatik zelaiaren itxiera arte 1993an, partidu asko jokatu ziren . Urte hartan, abuztuaren 13an, inauguratu zen guztiok ezagutzen dugun Anoetako estadioa.

Informazio gehiago aurkituko duzu Donostia Kulturako liburutegietan dauden bi liburuetan: Txuri Urdin: Historia de la Real Sociedad eta  El libro del Centenario: Real Sociedad 1909-2009.