Atala: Ekintzak

Datorren asteazkenean, irailak 22an, arratsaldeko 19:00ean, Kursaaleko Ni Neu jatetxean Pecha Kucha Night ekitaldia ospatuko da Zinemako beste sekundarioak gaiaren inguruan. Vanesa Rodriguez-k aurkeztua, parte hartze zabala izango du, bertan arituko dira Harkaitz Cano, Pablo Echart, Pepe Barrena, Santos Bregaña,Beatriz Iso Soto eta Carlos Marañon.

Pecha Kucha (“txutxu-mutxu”-ren antzeko esanahia japonieraz) jarduera eta hitzaldiaren arteko nahasketa da, Tokyon sortua 2003an, 200 emanalditik gora ospatu dira gaur arte mundu osoko hirietan zehar. Ekitaldi bakar batean eta elkarren segidan, partaide bakoitzak 20 diapositiba aurkezten ditu, bakoitza 20 segundutan (6 minutu eta 40 segundu partaideko!), gai bati buruzko ezaguerak publikoarekin partekatuz.

Jarduera gaztelaniaz izango dena, Donostiako Nazioarteko Zinemaldiak eta Donostia Kulturak  elkarlanean antolatu izan da, Donostia Kulturaren B aldearen programazioaren barne. Sarrera dohainik izango da eta aforoa mugatua.

Gaur inauguratuko da Donostiako 58. Nazioarteko Zinemaldia, 1953tik etengabe ospatzen den jaialdia. Garai hartan donostiar talde batek Zinemaren Nazioarteko Lehen Astea sortu zuen, arrakasta handiarekin eta hurrengo urtean Jaialdirako jauzia ematea erabaki zen. Handik gutxira, 1957an Zinemaldiak A kategoria lortu zuen.

58 urte hauetan Zinemaldiak informazio eta dokumentazio ugari sortu du. Atzo Diego Galanek zuzendu duen Zinemaldiaren historia izeneko dokumentalaren aurre estreinaldia egin zen.

Donostia Kulturako liburutegietan ere Zinemaldiaren inguruko bilduma interesgarriak daude, besteak beste aipagarriak dira: Jose Luis Tuduriren San Sebastián: un festival, una historia (1953-1966) eta Diego Galanek idatzitako Festival Internacional de cine de San Sebastián = 50 urte jardunean : Donostiako Nazioarteko Zinemaldia. Bestalde, Alderdi Eder liburutegian kontsulta daitezkeen Donostiako egunkarietan Zinemaldiaren egunerokotasunaren jarraipena egiteko aukera ematen da.

Azkenik, hilabete honetan Zinemaren inguruan hainbat liburu eta diska zerrenda prestatu dira: alde batetik  literatura beltza eta zinea eta bestetik, musika eta zinea Aipatutako argitalpenak Donostia Kulturako liburutegietan dituzue eskura.

Datorren hilak 28an, asteartean, irailako literatur solasaldia izango da Alde Zaharrako Udal Liburutegi zaharreko Ekitaldi Aretoan (sarrera San Jeronimo kaletik). Khaled Hosseini idazlearen Mil soles espléndidos liburuaren inguruan hitzegingo da bertan. Saioa, gaztelaniaz, Beatriz Monrealen gidaritzapean egingo da eta arratsaldeko 19:30ean emango zaio hasiera. Informazio gehiago, dosierrean.

Hurrengo solasaldietarako hautatuak izan dira: Jhumpa Lahiri idazlearen Tierra desacostumbrada (urriak 26), Anne Wiazemsky idazlearen El libro de los destinos (azaroak 30) eta Julio Cortazarren La autopista del Sur liburua (abenduak 14).

Azkenik, gogorarazten dizuegu Donostiako Udal Liburutegien Sareko bazkide bazarete  edo Donostia Kulturako txartelaren jabe, literatur solasaldietarako hautatzen diren liburuak maileguan etxera eramateko aukera duzuela.

Irailaren 9 eta 10ean arratsaldeko zortzietan Poesia Orduak izango ditugu Donostiako Victoria Eugenia Club aretoan. Osteguna 9an, Harkaitz Canok Sidecar Arima errezitaldia eskainiko du Beñat Barandiaran gitarristarekin batera. Ostiralean, berriz, Edorta Jimenezek eta Rafa Ruedak Haragizkoa aurkeztuko dute, Omar Nabarro idazlearen bizitza literarioaren ibilbidearen inguruan sortutako emankizuna.

Donostia Kultura, Euskararen Donostia Patronatua eta Euskal Idazleen Elkartea dira urtero Euskal Jaietan egin ohi diren errezitaldi hauen antolatzaileak. Sarrera dohakoa izango da aretoa bete arte eta gonbidapenak Victoria Eugenia Antzokiko lehiatikan banatuko dira zortziak arte, ekitaldia hasi aurretik.

Uztailaren 23an Ernest Lluch Kultur Etxeko areto nagusian Ratatouille filmaren emanaldia egongo da haurrentzako goizeko 12:00.
Bestalde, gogorarazten dizuegu Udal Liburutegien Sareko bazkide bazarete edo Donostia Kulturako txartelaren jabe, zine emanaldirako hautatu den filmaren DVDa Ratatuille maileguan eskatzeko aukera duzuela.

Gaur zabaldu da Euskadiko Liburu Azoken Batzordeak Gipuzkoako plazan urtero antolatzen duen Liburu eta Disko azoka, Eusko Jaurlaritzaren eta Donostia Kulturaren laguntzarekin.

Gaurtik hurrengo igandera, hau da, hilaren 18ra, berrogei eta lau parte hartzailek, argitaletxek, liburudendek, banatzailek, eta erakundek liburu eta diskak jarriko dituzte salgai. Gipuzkoako Plaza kultur topagune bihurtuko da, bertara hubilduko diren hiritar eta  udatiarrei argitalpen berriak eta ez hain nobedosoak ezagutu eta erosteko aukera eskainiko zaie.

Horretaz gain, azokaren egunetan hainbat liburu aurkezpen eta hitzaldi egingo dira Konstituzio plazako Liburutegi zaharrean. Besteak beste, uztailaren 8an eguerdiko 12:00tan Zilarrezko Euskadi sariak banatuko zaizkie María Dueñas idazleari El tiempo entre costuras izeneko liburuagatik eta Imanol Uriari Loiolako hegiak liburuagatik. Uztailaren 14an arratsaldeko 19:30tan Toti Martínez de Leceak solasaldi bat egingo du La Universal, bere azken liburuaren inguruan. Azkenik, uztailaren 15ean Suso de Toro eta Kirmen Uriberen hitzaldia Nuevos rumbos de la literatura gaiaren inguruan.

Imanol Larrinagaren irudia

Donostia Kulturak eta Gipuzkoako Liburudenden Elkarteak atsegin handiz gonbidatzen zaituzte Pentsamenduaren poesia musikaz lagundutako errezitaldiara. Aurtengo parte hartzaileak Joan Margarit,Joan Mari Irigoien, Castillo Suarez, Juanra Madariaga, Juanjo Olasagarre eta Karmelo Iribarren poetak izango dira. Errezitaldia musikatua izango da, Francisco Herrero bibolin jolearen eskutik.

Ekitaldia ekainaren 17an, iluntzeko 19:30ean, Victoria Eugenia Antzokiko Club Aretoan egingo da. Sarrera mugatua izango da aretoa bete arte. Victoria Eugenia antzokiko lehiatilan jaso behar dira ikuskizuna hasi aurretik.

Ritxi Lizartzak hitzaldi bat emango du, Hitanoa: mintza hadi, lagun! idatzia duen liburuaren inguruan, gaur arratsaldeko 19:30ean, Liburutegi Nagusiko Ekitaldi Aretoan (sarrera San Jeronimo kaletik).

Ritxi Lizartza itzultzaile eta zuzentzaile ibili izan da ikus-entzunezko fikzioan eta arte eszenikoetan. Eta hainbat ikastaro ere eman izan dizkio zenbait aktore talderi. Lan horretan ari zela, pertsonaien arteko elkarrizketak gero eta gehiagotan hika planteatzen zirenez, euskara estandarrera ekarri gabeko hizkuntza-atal hau hasi zen lantzen.

Lanketa horren fruitu da , Hitanoa: Mintza hadi, lagun! izeneko eskuliburu praktikoa, iragan abenduan aurkeztu zuena; eta lanketa bide horretan topatu dituen arazoez, eta iritsi dituen ondorioez, jardungo du gaurko hitzaldian, hain zuzen, hitanoaren problematika orokorra zertan den adieraziz hasita.

Liburua eskura dago Donostia Kulturako liburutegietan.

Intxaurrondo auzoan XVI Ibiltariaren Astea dela eta, egitaraua interesgarria prestatu da: ikusentzunezkoen emanaldiak, hainbat euskal bidaiarirekin topaketak eta erakusketa bat.

Intxaurrondo Berri Liburutegian gida berezi bat egin da, eta gogorarazten dizuegu bertan azaltzen diren argitalpenak maileguan hartzeko aukera duzuela, besteak beste, liburuak, bidaia gidak, aldizkariak eta filmak. Etor zaitezte liburutegira eta eraman zuen maileguak etxera!